El PP alerta de que la sanidá pública nel noroccidente vive una situación "agónica"

Álvaro Queipo afirma que tán trabayando yá pa poner una fecha al congresu del PP d'Uviéu

El presidente del PP d’Asturies, Álvaro Queipo, aseguró esti sábadu que la sanidá nel noroccidente de la comunidá ta nuna "situación agónica", col Hospital de Xarrio "abandonáu a la so suerte pol Gobiernu de Barbón".

El líder de los populares asturianos, que presidió en Navia una xunta de los representantes del PP na fastera del noroccidente, denunció que los tiempos d’espera pa ser atendíu tán "disparaos y ensin control" y existe "una gran falta de profesionales en tola fastera, que yá ta provocando’l pieslle de centros de salú, como’l de Castropol".

"El Gobiernu de Barbón incumple toles sos promeses, y añu tres añu sigue desmantelándose la estructura de salú de tola zona", apuntó Queipo.